'Σ σο καλύβι' σ' ολόερα

Αλέξης Παρχαρίδης -

’Σ σο καλύβι’ σ’ ολόερα

’Σ σο καλύβι’ σ’ ολόερα

συρίζω τραγωδώ σε,

άμον ανοιξιζνόν πουλίν

πάντα θα κελαηδώ σε.

Επωδός:

Ο καημένον ο σπουργίτης

πάντα λάσκεται-ν αλήτης,

πόσα φοράς εμόνασες

εμέν’ πουλί’ μ’ ’ς σ’ οσπίτι’ σ’.

Αν έξερες τρυγόνα μου

και τ’ εμόν την καρδίαν,

ας σ’ εγκαλόπο’ σ’ απέσ’ κες

κι εβγάλνες με καμμίαν.

(Επωδός)

Πολλά έχω να λέγω σε

’ς σα χείλα μ’ είν’ γραμμένα,

θα αρχινώ και λέγω σε

αρνί’ μ’ απ’ έναν έναν.

(Επωδός)

ΧΚ