Σελέκ' εσελεκίασα

Χρύσανθος Θεοδωρίδης -

Σελέκ’ εσελεκίασα

Σελέκ’ εσελεκίασα γιαβρόπο’ μ’,

ν’ αηλί που θα φορτούται.

Άντραν που έ’͜ει ’ς σην ξενιτάν γιαβρόπο’ μ’,

ας πάει ρούζ’ και σκοτούται.

Νασάν εσάς ψηλά ραχιά γιαβρόπο’ μ’,

’ς σην ξενιτάν ’κί πάτε.

Δαβαίν’νε χρόνα και καιρούς γιαβρόπο’ μ’,

σ’ έναν τόπον γεράτε.

Τ’ ορμία μοιρολόγαναν γιαβρόπο’ μ’,

και τ’ αρνόπο’ μ’ ετραγώδ’νεν.

Και με την τραγωδίαν ατ’ς γιαβρόπο’ μ’,

«έλα σιχούνα μ’, έλα» ξαν’ εφών’εν.

«Έλα πουλί’ μ’ κά’, έλα.»

ΧΚ